dicåce

Walon (Rifondou)

• 

  ene dicåce el Suwede

• 

  dicåce dins les Indes neyerlandesses

Etimolodjeye

Tayon-bodje latén « dedicatio » (consecråcion d' ene eglijhe a on sint).

Prononçaedje

• AFE :
  • diferins prononçaedjes :
    • /di.ˈkɔːs/ /di.ˈkaːs/ /di.ˈkoːs/  ^{aschoûtez lu} (betchfessî å)
    • (pa picårdijhaedje) /dy.ˈkas/
  • prononçaedje zero-cnoxheu : /di.ˈkɔːs/
• Ricepeures : di·cåce

Sustantif

singulî	pluriyal
dicåce	dicåces

dicåce femrin

1. fiesse d' on viyaedje, ki vént todi å minme moumint, li djoû del fiesse d' on sint, sovint l' patron del pårotche.
   • Al dicåce, on magne del dorêye et do floyon, après l' djote et l' såcisse — Motî Forir (fråze rifondowe).
   • On rçût voltî ses parints al dicåce — Motî d’ Cînè (fråze rifondowe).
   • I fwait les dicåces avou s' guinguete — Motî d’ Bastogne (fråze rifondowe).
   • Li tchôdronî vneut todi li samwinne del dicåce po ristinner les coyîs, po rmete des noûs cous d' blanc fier azès saeyletes ki corént — Joseph Calozet (fråze rifondowe).
   • Cwand c' esteut l' djoû del dicåce, sins pont d' tchireyes, on s' dinéve li mwin — Robert Bauffe (fråze rifondowe).
2. plaece, dins ene veye, avou des atraccions po ls efants, ki n' dimeure k' on tins.
   • Vaila, elle ont trové tote ene dicåce, avou ene coûsse di tchvås — Lucyin Mahin, Vera.
3. termene k' on-z a bon viker.
   • Dji so al dicåce cwand dji tricote — Motî d’ Bastogne (fråze rifondowe).
   • I n' est nén al dicåce tos les djoûs avou leye — Motî d’ Bastogne (fråze rifondowe).
   • Fineye li dicåce pol craxhåd: li touweu aléve passer dmwin — Rodolphe Dedoyard (fråze rifondowe).

Ratourneures

1. esse al dicåce
2. fé l' fiesse divant l' dicåce; i n' fåt måy fé fiesse divant l' dicåce
3. disk' al pitite dicåce
4. ossu bea k' el dicåce: foirt bea.
5. magnî come al dicåce u dinner come al dicåce: bén magnî.
6. rabressî come al dicåce: rabressî troes côps. rl a: matante.

Parintaedje

• dicåceu
• dicåçter, dicåçtaedje

Mots d’ aplacaedje

• grande dicåce
• pitite dicåce: gn aveut sovint deus dicåces so l' anêye, ene pus viye istoricmint (li grande dicåce) et ene rimetowe pus tård en ene ôte såjhon (li pitite dicåce).
• londi del dicåce
• mårdi del dicåce

Sinonimeye

fiesse del pårotche

Dizotrins mots

rilaxhådes, rilîs / rlîs (dimegne d' après l' dicåce)

Rilomêye do mot

Li mot dins on tite di live, di gazete, di soce, di marke

• Les tchanteus d' dicåce: no d' ene binde di tchanteus e walon

Sipårdaedje do mot

w. do Mitan, w. do Coûtchant, Basse Årdene

Ortografeyes

Divant 1900 :

• dikâss : E203
• dicâce : E203

Après 1900, foû rfondou (Feller, Feller ricandjî, nén Feller) :

• ducace : O4
• dicôsse : S109
• dicâce : E21, S0
• dicausse : C8
• dicace : E170
• dicåce : FE1 a «kermesse», S117
• dicauce : C1, C13, O0, O2, S17

E rfondou walon :

• dicåce : R10 ^(lére), R13

Li mot n’ est nén dins : E165

Ratournaedjes

fiesse d' on viyaedje, sorlon l' sint del pårotche

• Almand : Kirchweih ^(de), Kirchweihfest ^(de), (Swisse) Kilbi ^(de)
• Inglès : village fair ^(en)
• Espagnol : fiesta patronal ^(es)
• Francès : kermesse ^(fr), ducasse ^(fr)
• Gåmès : dicâce
• Neyerlandès : kermis ^(nl)
• Picård : ducasse ^(pcd)

plaece, dins ene veye, avou des atraccions po ls efants, ki n' dimeure k' on tins.

• Arabe marokin : لافوار ^(ary) = لافْوار =‎ lafwar (calké di francès «la foire»)
• Inglès : fair ^(en), funfair ^(en)
• Espagnol : feria ^(es), verbena ^(es), kermés ^(es)
• Francès : fête foraine ^(fr)

termene k' on-z a bon viker

• Francès : fête ^(fr)

Waitîz eto

Lijhoz l’ årtike dicåce so Wikipedia