coloûte

Walon (Rifondou) candjî

**Dobès rfondowes**
coloûte		colowe

Tayon-bodje latén « colubra » (sierpint, coloûte frumele), çou ki dene on mot avou l’ cawete « -oûte »

AFE :
- diferins prononçaedjes : /kɔ.luːt/ /ku.luːt/ /kɔ.luːf/ /ku.luːf/ /kɔ.lyːf/ /ku.lyːf/ /kul.jœf/ /kɔ.lɔw/ /ka.lɔw/ miersipepieuzmint e l’ notule ALW 8.95; (36 prononçaedjes)
- prononçaedje zero-cnoxheu : /kɔ.ˈluːt/
Ricepeures : co·loûte

singulî	pluriyal
coloûte	coloûtes

coloûte femrin

(no d’ biesse) cropante biesse ki n' a nou velin (årvier del vipere).
- Nosse vatche dene do sonk; c' est ene coloûte ki l' a teté. — Motî Gilliard (fråze rifondowe).
- Dins les cåves des rwenes, i n a co des coloûtes. — Motî del Lovire (fråze rifondowe).
- Li coloûte bize foû des craeyes do meur. — Motî Gilliard (fråze rifondowe).
- Li coloûte si coverene dins les fenaesses tot do long do rixhot. — Motî Gilliard (fråze rifondowe).
- Et dji vos vénreu rabressî et mi rschandi so vos pî-sintes, come ene coloûte. — Jean Guillaume (fråze rifondowe).
- El coloûte a deus bokets (tiesse et cawe) Nén amiståves po on nuket. — José Schoovaerts (fråze rifondowe).
- Come des grandès coloûtes, les pazeas, les rouwales,
  Qui dschindént d' Biernåmont, dås Tawes ou d' Djolivet,
  Pidjolént-st inte deus håyes ou passént-st å triviè
  D' ene tere ou d' ene praireye po-z avni disk' ås Wales
  — Louis Lagauche, "Mayon", p. 7 (fråze rifondowe).
(pa stindaedje do sinse)
1. comere ki n' boute waire.
2. grande mwinre comere.

ossu feneyante k' ene coloûte : dijhêye d' ene nawe comere.
si toirtiyî come ene coloûte : si cotoide tot; on dit eto : come on moulet.
dins des nos d' plaeces
1. Les coloûtes u: El fosse des coloûtes : no d' ene plaece do Rou-dlé-Tchålerwè.
2. Li hé del coloûte : no d' ene plaece di Tohogne.
nos d' djins
1. Les Coloûtes : sipotaedje des djins d' Achoufe, la-minme : les Couloûves
avaler ene coloûte : diveur fé ene sacwè k' on hét
- Fâreût st-aveûr on gozî come ine tîdje di bote èdon, sûrmint, po z-avaler ’ne sifait colowe!— Joseph Vrindts, Tot tûsant (1924), Ine sicole flaminde po nos Députés walons, p.49.