cingue

Walon (Rifondou)

Etimolodjeye

Tayon-bodje latén « cingula » (minme sinse) mot cité dins l’ FEW 2 681b (lére).

Prononçaedje

• AFE :
  • diferins prononçaedjes : /sɛ̃k/ /sẽk/ /sɛ̃ɡ/ (minme prononçaedje cåzu pattavå)
  • prononçaedje zero-cnoxheu : /sɛ̃k/
• Ricepeures : nén rcepåve

Sustantif

singulî	pluriyal
cingue	cingues

cingue femrin

1. (mot d’ mousseure) binde di cur, di toele, di coidleure, avou ene blouke, po tni l’ marone u èn ôte mousmint.
   • C’ est riskeus di n’ pont mete di cingue a blouke ni d’ aburtale, paski vos n’ estoz nén la bén crås et vosse marone pôreut disgriboler d’ vos hantches. — Arthur Masson.
   • Il esteut moussî avou ene sôre di longue sotane ki pindeut disk’ a ses djnos, et k’ il aveut rapicî a ses hantches avou ene cingue. — Guillaume Smal.
2. binde di cur u di coriante toele po tni astok ôte tchoi.
   • Ene cawire, c’ est ene longue cingue di cur.
3. (pus stroetmint) (mot des otos) cingue et burtale di såvrité.
   • Vos avoz rovyî d’ mete vo cingue ; vo popa a on procès a ses guetes. — Scoles di walon do CHADWE.
4. dins l’ ratourneure : « cingue di feu » : maladeye avou des rodjeurs come li plaece d’ ene cingue ; Loukîz a : cingues.
5. pluriyal Loukîz a : « cingues ».

• 
  (Sinse 1) Cingue di cur.
• 
  (Sinse 1) Cingue di cmere (Marok).
• 
  (Sinse 2) Cingues d’ atelaedje des otos dins on feri.

Ratourneures

1. abloucter ene cingue : passer li spingue del blouke dins l’ trô po k’ el cingue tegne.
2. disbloucter ene cingue : rissaetchî li spingue del blouke foû do trô po k’ el cingue si dismantche.
3. aveur del cingue
4. esse rilevé pal cingue

Parintaedje

• cingler, discingler

(minme sourdant etimolodjike)

• zingler
• chinguels

Mots d’ aplacaedje

• cingue di surté
• pexhon-cingue

Sinonimeye

• (binde di cur pol tni on mousmint) : cinteure, coroye, faxhe
• (binde di cur ki sieve a ôte tchoi) : splinke
• (cingue di surté) : burtale, aburtale (di sidje, d’ ashia)

Omofoneye possibe

• cénk

Ortografeyes

Après 1900, foû rfondou (Feller, Feller ricandjî, nén Feller) :

• cingue : C1, C8, G215 p. 295, S0
• çangue : G215 p. 295
• singue : O0, O4
• céngue : C106

E rfondou walon :

• cingue : R10 ^(lére), R13

Ratournaedjes

binde di cur, di stofe pol tni on mousmint

• Arabe : حزام ^(ar) =‎ Ḥazâm omrin
• Arabe marokin : çem6a (çemTa) =‎ صمطة ^(ary) = صمْطة ^(ary) (di cur) ; 7zam (Hzam) حزام ^(ary) = حْزام ^(ary) (di coidleures po les comeres) ; m8emma (mDemma) =‎ مضمّة ^(ary) = مْضمّة ^(ary) (lådje, di cmere) ; كرزيّة ^(ary) = كرْزيّة =‎ kerzeyya ; مجدول ^(ary) = مجْدول =‎ mejdol
• Inglès : belt ^(en)
• Espagnol : cinturón ^(es) omrin
• Francès : ceinture ^(fr) femrin
• Itålyin : cintura ^(it) femrin
• Neyerlandès : riem ^(nl) omrin
• Polonès : pas ^(pl) omrin
• Sicilyin : cintura ^(scn) femrin
• Kimon amazir marokin : ⵜⴰⴳⴳⵯⵙⵜ ^(zgh) =‎ taggʷst, ⵜⴰⴽⴽⵯⵙⵜ ^(zgh) =‎ takkʷst

binde di cur pol tni ôte tchoi

• Arabe : حزام ^(ar) =‎ Ḥazâm omrin
• Arabe marokin : صمطة ^(ary) = صمْطة =‎ çem6a femrin
• Inglès : belt ^(en)
• Espagnol : cinturón ^(es)
• Francès : lanière ^(fr) femrin, sangle ^(fr) femrin
• Itålyin : cinghia ^(it) femrin
• Sicilyin : cinga ^(scn) femrin

cingue di feu Loukîz a : cingues

Waitîz eto

Lijhoz l’ årtike cingue so Wikipedia.