campagne

Walon (Rifondou)

Etimolodjeye

Calcaedje do francès « campagne » (minme sinse) (mins stindaedje do sinse cornolodjike e walon).

Prononçaedje

• AFE :
  • diferins prononçaedjes : /kɑ̃.ˈpaɲ/ /kɔ̃.ˈpaɲ/ (minme prononçaedje cåzu pattavå)
  • prononçaedje zero-cnoxheu : /kɑ̃.ˈpaɲ/
• Ricepeures : cam·pagne

Sustantif

singulî	pluriyal
campagne	campagnes

campagne femrin

1. (djeyografeye) teres ki n’ sont nén å mitan d’ on viyaedje, la k’ gn a des tchamps.
   • Li nivaye valsant avou l’ bijhe,
     Fjheut des damabômes di påwions
     Ki acovrént d’ ene sipesse tchimijhe
     Campagne et prés, håyes et bouxhons— Martin Lejeune, "L’iviêr èt l’amour" (fråze rifondowe).
   • D’ine bèle båcèle i d’hèt qu’èle èst « djolèye »,
     Sins minme sèpi qu’à l’campagne, les vatch’lîs
     N’pårlèt-st-insi qu’tot-z-aksègnant quéque-fèye
     Ine bièsse qu’a ’n’tètche qu’èle ni såreût catchî
     — Émile Wiket, Fruzions d' cour, p.173.
2. (cronolodjeye) esté.
   • Ça s’ passe di l’ ivier ou bén del campagne ?
   • Li campagne passêye, nos deus m’ feme, nos esténs evoye pormoenner et respirer l’ boune air dins l’ fén fond d’ l’ Årdene. — Robert Mathieu, Novèles dès Walons Scrîjeûs d’après l’ BanBwès, lº 2, 1982, p. 3 (fråze rifondowe).