Sujet sur Uzeu copene:Lucyin

@Reptilien.19831209BE1 (ça vént d' la)

çou k' i gn a c' est ki l' sicrijhaedje « dl » n' a måy sitî eployî; et poy, si ça pôreut rashonner les ns, vs, ls k' i gn a; adon ça sereut on spotchaedje divintrin; on spotchaedje di del dabôrd.

Mins i gn a deus arokes adon: li e n' est nén ene sipotchåve voyale; et del c' est seulmint femrin, dismetant ki d’ l’ c' est omrin et femrin.

èn etroclaedje avou spotchaedje del dierinne voyale sins apostrofe, i gn a k' on seu cas e rfondou, c' est endè (end, ndè, nd).

après, on pout ahiver cor on noû atrocla; pocwè nén. Mins dji trouve k' i gn a ddja bén assez a fé po sayî di rfonde (=loyî les mots a ene seule sicrîte cogne) tot çou k' i gn a co a rfonde, et k' ahiver des noûs atroclaedjes ki vnèt s' mete a costé d' ôtes cognes c' est purade fé l' voye dins l' ôte sinse.

@Reptilien

ça a stî dmandé pa Reptilien so ene kesse vaici mins dji n' ritrouve pus wice; el sicrît on côp cial : Uzeu_copene:Lucyin/Egurniyaedjes_2020#disponibe. Dj' aveu ddja fwait s' pådje: dl e moes d' djanvî 2019.

Dj' aveu dit ki dji n' esteu nén conte, veyanmint ki Louwis Baidjot l' aveut ddja eployî dins l' Coutcouloudjoû. On pout rdecider a troes.

A! c' est vaici: Uzeu_copene:Lucyin/Egurniyaedjes_2019#Etroclaedje_di_«_d’_l’_»

Bondjoû Pablo, et Lucyin, et boune anêye a vos, et vosse famile.

Oyi, çou k' vos djhoz est foirt djusse, et po esse oniesse dji n' a waire di bons årgumints po porshure a sotni cist atåvla.

• « li e n' est nén ene sipotchåve voyale », on spotche bén les (lès) => ls
• « del c' est seulmint femrin », oyi e rfondou djel rissin come çoula, mins dins m' cåzaedje coûtchantrece dè l’ + voyale (nén etroclé c' est l' veur) est ormin et femrin : lès feuyes dè l’ ârbe ; « si vos pinsez dè l’avwêr » [O4] (nén omrin, nén femrin come c' est on viebe),...

Mins, po çou k' esteut dl d’ l’ årgumint prumioûle, c' esteut po si schaper del pezante manire di scrire « d’ l’ », mins vs av råjhon « i gn a ddja bén assez a fé po sayî di rfonde ».

Adon, tapans ciste idêye la al bernate (taper al bernate = mete dins l' batch ås mannestés).

Gråces, et boune anêye a vos eto.

Oyi, dj' aveu rovyî les => ls; dji rsaetche adon m' prumî årgumint.

Po « dè l’ », c' est ene disfondowe di çou k' on screye e rfondou « di l' » (eto come dins les betchete « dis- » (coinreçmint dès-), « d(i)- » (dè- (nén spotchåve i m' shonne dins O4)),...

(a on moumint dné, come vos metîz so wikisourd bråmint d' vîs tecses do levant; dji pinséve ki vos estîz purade do costé d' Vervî ou avår la :-) )

iva por mi. Vloz bén disfacer les eployaedjes ? (såf dins les 2 pådjes di copene, po n' nén ricmincî on troejhinme côp).

Dji frè dmwin sol wikipedia et wiccionaire.

Dj' a metou a djoû l' coridjrece po Firefox po propôzer « d’ l’ » cwand i trouve « dl ».

Fwait ! sol Wiccionaire et Wikipedia.

@Lucyin : motoit rlomer l' fitchî GBer AP475 filés dl Aviedje.ogg ?