Sujet sur Uzeu copene:Srtxg

avou u sins e å coron po IP13s po les viebes del 4inme sôre ?

• avou dins l' tåvlea d' codjowaedje, eyet sol codjowoe (Kim2s)
• sins so berdelaedjes, dins fini (fråzes d' egzimpe), so wikipedia a w:Codjowaedje prusti

... dji voe on dcidaedje so berdelaedjes po mete el coron -xhe pol suddjonctif prezintrece singulî po tos les viebes (4,5 inme sôre) ki s' finixhnut pa 'ne oyåve voyåle.

Pol suddjonctif oyi, dji croe k' on est tertos d' acoird avou ça.

Mins pol prezintrece... l' uzance a Lidje (wice k' on a djustumint li bodje avou -ixh) c' est di scrire, e Feller « -ih » (dji finih, ti finih, i finih); mi dji scrijheut "dji finixh, ti finixhs, i finixh"; Lucyin sereut purade po "dji finixhe, ti finixhes, i finixhe"

Li codjowaedje di Stasse eploye å prezintrece: dji finih, ti finih, i finih; eyet suddjonctif dji finihe, ti finihes, i finihe Riscrît e rfondou ça freut: prezintrece: dji finixh, ti finixhs, i finixh; suddjonctif: dji finixhe, ti finixhes, i finixheLucyin lu, dins ç' pårler eploye l' ôte codjowaedje (prezintrece: dji fini, ti finis, i finit)

Dji pinse ki, come c' est tipicmint lidjwès, ostant shure li dujhance lidjwesse (come dji l' fijheut spontanêymint); mins c' est foirt sudjectif...

L' ortografeye... kéne afwaire ! Çoula m' rapinse les minmès arokes k' e francès (avou ou sins e) :

• j'ai ; (il faut que) j'aie
• je vois, tu vois, il voit ; (il faut que) je voie, tu voies, il voie (*)
• je cours, tu cours, il court ; (il faut que) je coure, tu coures, il coure
• je meurs, tu meurs, il meurt ; (il ne faut pas que) je meure, tu meures, il meure
• ...

Mins e francès po « finir » c'est pus åjhey, pask' on-z ôt ene diferince :

• je fais, tu fais, il fait ; (il faut que) je fasse, tu fasses, il fasse

Çou ki dj' èm dimande, c'est pocwè d' on costé on mete on e, u bén on s et nén dl ôte costé. Dins s' fameuse saye d' ortografeye, Feller dit dvins l' tchapite « De l’e muet final au singulier de l'indicatif présent », p. 189, k' i få(reu)t scrire : dji/tu/i finih (sins s et e) po IP123s et SP123s, tot dnant ene råjhon etimolodjike, mins ki n' est waire åjheye a comprinde (cwand on n'est nén linwincieus).

---

(*) La k' bråmint des francofones dijhnut /vwaj/, on vî vî prononçaedje, eyet ci sereut po çoula k' on scrit asteure avou on e (alére)

Pol "s", e Feller on n' mete nén d' marke do pluriyal (-s) po les mots ki finixhèt avou l' minute ou avou on -h (pocwè çoula, dji n' è sai rén, motoit paski ça lzî shonnéve mo drole?) : in' ouh, lès-ouh.

Mins e rfondou on l' mete: èn ouxh, les ouxhs. Do côp, come on mete todi on "s" pol 2inme djin singulî, ça dvreut esse ti finixhs.

Dji n' aveut måy fwait atincion k' e francès i gn aveut cisse alternance la e/pont d' e; adon oyi, ça dvreut esse come djel sicrijheut davance: asteure dji finixh, ti finixhs, i finixh, pask' i fåreut k' dji finixhe, ti finixhes, i finixhe.