Les espåces di lomaedje (namespaces e-n inglès) sont des ashonnas d’ pådjes avou l’ minme betchete dins leu tite. Par egzimpe, cisse pådje ci « Aidance:Espåces di lomaedje » est dins l’ espåce di lomaedje Aidance avou l’ tite Espåces di lomaedje, tos deus distaetchîs avou on deus ponts « : ».

Les espåces di lomaedje sont foirt ahessåves po fé des spepieus rcweraedjes, u co po fé l’ lisse di totes les pådjes d’ on ashonna, metans totes les pådjes d’ aidance.

Djivêye des espåces di lomaedje candjî

Les espåces di lomaedje ni s’ fwaiynut nén otomaticmint; i fåt dmander al cominålté do Wiccionaire si ele est d’ acoird, pu leu-z askepiaedje sol phabricator avou l’ etikete (tag e-n inglès) Wikimedia-Site-requests.

Asteme : si on-z ahive ene pådje avou èn espåce di lomaedje ki n’ egzistêye nén, li pådje serè dins l’ mwaisse espåce : metans Codjowaedje:tchicter n’ est nén dins l’ espåce di lomaedje Codjowaedje avou l’ tite tchicter mins dins l’ mwaisse espåce avou l’ tite Codjowaedje:tchicter. I n’ fåt nén fé çoula ! Les pådjes divrént todi esse ramoyeyes a l’ espåce di lomaedje li pus dujhåve. S’ end a nouk ki convént, i fåt eployî li ci do Wiccionaire.

Les espåces di lomaedje ont-st on limero pwair et les pådjes di copene el limero impwair shuvant.
Limero No Contnou
0 (mwaisse espåce) pådjes do motî (mots, spots,…)
2 Uzeu pådjes des uzeus(es) ki boutnut sol Wiccionaire u so les ôtes pordjets do Wikimedia
4 Wiccionaire pådjes do pordjet Wiccionaire u ki n’ convnèt nén ås ôtes espåces di lomaedje
6 Imådje fitchîs (imådje, dôcumints,…) ki sont-st elodjîs so Commons u so l’ Wiccionaire
8 MediaWiki pådjes do programe Mediawiki
10 Modele pådjes ki contnèt des bokets d’ côde wiki k’ on pout eployî pus d’ ene feye et pus åjheymint dins des ôtes pådjes
12 Aidance pådjes po aidî les uzeus a bouter sol Wiccionaire comifåt, come li cene ki vos lijhoz a ç’ moumint chal
14 Categoreye pådjes ki fijhèt l’ lisse des pådjes rindjeyes dins des categoreyes manaedeyes pa les uzeus
100 Rawete pådjes po tåvleas des codjowaedjes, el croejhete
102 Sourdant pådjes po les sourdants (motîs, lives, oteurs)
104 Motyince pådjes po les studiaedjes des mots u d’ on tinme
828 Module pådjes di scripe e lingaedje LUA po stinde li poirtêye des modeles
2300 pådjes di scripe e lingaedje Javascript po fé des ptitès usteyes
2302 pådjes pol documintaedje des ptitès usteyes
2600 Sujet pådjes po les berdelaedjes avou l’ usteye Flow

Nén co ratourné e walon Djivêye dins l’ API : chal.

Lére eto candjî