Walon (Rifondou) candjî

  Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.
Imådje:aurdjint.jpg
platea, bassin eyet cocmwår d' årdjint (portrait saetchî pa L. Mahin).

Sustantif candjî

årdjint omrin

1. rilujhant metå, k' on s' endè sieve po fé des pîces di manoye, des schieles, des ôrreyes, evnd. Ene tchinne d' årdjint, on rond-d'-ôr d' årdjint, on platea et ene caftire d' årdjint. Ça rglatixh come di l' årdjint. A Lidje, on-z esteut oblidjî di rçure diferinnès pîces d' ôr et d' årdjint del Bavire, del Bourgogne, di Cologne et co d' ôte påt (N. Lequarré). rl a: blanc. F. argent.  peme, pemî d' årdjint : sôre di melêye (pemî).  medaye d' årdjint : deujhinme plaece dins ene coûsse, ene bate esportive.

2. Elemint tchimike metalike di simbole atomike Ar. Ene poude di sulfate d' årdjint. rl a: vif-årdjint.

3. di l' årdjint des cwårs. I vont lever d' l' årdjint po leu pordjet. Cwate aidants c' est on patår; L' årdjint est fwait po rôler; L' ci k' va-t a tchvå so ene ecnêye S' fwait pus nåjhi k' aroter (viye tchanson).  I fwait årdjint d' tot : i profite di totes les ocåzions po wangnî des liårds.  mariaedje d' årdjint, mariaedje di rén : cwand k' on mareye ene sakî po ses cwårs, ça n' deure nén.  l' årdjint fwait l' bea vizaedje : ene kimere, minme laide, trouve a s' maryî s' elle a des cwårs.  èn ome di strin va cweri ene feme d' årdjint : dijhêye po on pôve ki va maryî ene ritche.  èn ome di strin våt ene feme d' årdjint : response al ratourneure di dvant, po les cis ki disfindèt on sfwait mariaedje; l' ome, minme sins cwårs, pout bén tni on manaedje, s' il est sûti et coraedjeus.  li ci k' a d' l' årdjint trouve des parints : rl a: liårds.  prinde po d' l' årdjint sounant : croere ene sacwè sins l' aveuri. F. prendre pour de l'argent comptant.  ça costêye di l' årdjint : ça våt tchir, ça costêye tchir. rl a: liård.  c' est l' årdjint ki fwait rire : rl a: liård. Vos avoz veyou dvins l' råvlea Ki l' vû batch fwait grognî l' pourcea, Come l' årdjint fwait rire li beguene (Delarge).  l' årdjint rind franc les djins : li ci k' a des liårds n' a pus sogne di dire si idêye, cabén k' ele n' ahåye nén les gros.  èn ome sins årdjint, c' est on leu sins dint : on n' si sait disfinde el societé cwand on est pôve.  l' årdjint d' putin va come li vint : ene putin furlêye ttossu rade les cwårs k' ele wangne.  li tins c' est d' l' årdjint : i n' fåt nén piede si tins.  il a bråmint d' l' årdjint u: bråmint des årdjints : il est ritche.  i rôle so l' ôr et l' årdjint : il est foû ritche. rl a: cwårs, çanse, liårds.  gåy di håres et ledjir d' årdjint : dijhêye po onk ki s' mousse bén mins ki n' a waire di cwårs.  esse tcherdjî d' årdjint come on crapåd d' plomes : èn pont aveur di cwårs.  l' årdjint n' a nou mwaisse : on pout fé do comiece avou des djins k' on voet evi.  avou do tins et do strin et l' årdjint, les messes mawrixhèt : a) (prôpmint) on code les messes co vetes, et les mete dins des caisses so do strin por zeles mawri; b) (imådjreçmint) i fåt esse pacyint et sogneus po-z adiercî s' côp dins on pordjet, po reyussi ene sacwè. El ci ki n' est nén contin, k' i rprinde si årdjint : dijhêye d' on vindeus po mostrer k' il est seur di s' martchandijhe. Ri d' Årdjint : rew di Neuvile-dilé-Sogniye. rl a: Årdjintene.

Viebe candjî

årdjinter (codjowaedje) [v.c.] mete ene coûtche d' årdjint so (ene sacwè). årdjinter ene glaece, ene tchinne.

Sustantif candjî

årdjintaedje [o.n.] metaedje d' ene coûtche d' årdjint. F. argentation, argentage, argenture.

Sustantif candjî

årdjinteu, årdjinteuse u årdjintêyresse [o.n.] djin ki c' est s' mestî d' årdjinter.

Sustantif candjî

årdjinteure [f.n.] wårnixheure d' årdjint.



Pus di racsegnes sol pårteye eciclopedeye: årdjint, årdjintaedje