scoler

Li rfondaedje di ç’ mot cial est co so balance. Fåt i scrire « scoler » u « escoler » ?

Walon (Rifondou)

Etimolodjeye

Bodje vî francès « escoler » avou l’ cawete di codjowaedje « -er » des viebes

Prononçaedje

• AFE :
  • diferins prononçaedjes : /skɔ.ˈle/ /ɛs.kɔ.ˈle/
  • prononçaedje zero-cnoxheu : /skɔ.ˈle/
• Ricepeures : sco·ler

Viebe

Djin et tins	Codjowa
Cåzant Ind. pr. (dji, dj’)	scole
Atôtchî(s) Ind. pr. (vos, vs)	scolez
Cåzants Ind. pr. (nos, ns)	scolans
Rwaitants Ind. pr., nam. (i/il, ele/elle)	scolnut
Cåzant Ind. fut. (dji, dj’)	scolrè
Cåzant D.I.E. (dji, dj’)	scoléve
Cåzant Suddj. pr. (ki dji, dj’)	scole
pårt. erirece (dj’ a, vos av)	scolé
Ôtes codjowaedjes	sipepieus tåvlea

scoler (viebe å coplemint)

1. (mot des scoles) aprinde des sacwès a (des efants, des grandès djins).
   • S' il a si bén fwait s' messaedje, c' est k' on l' aveut scolé — Motî Forir (fråze rifondowe).
   • Il a bén scolé s' feme — Motî Haust (fråze rifondowe).
   • On voet bén kî vs a scolé — Motî Haust (fråze rifondowe).
   • A foice di m’ escoler pask’ i m’ faleut tot cnowhe po viker, on m’a hati l’ cervea.
     Gn a-st ene årmêye d’ idêyes k’ moennèt bacara sins s’ arester. Dj’ a l’ tiesse come on seyea — Guy Cabay, "Pôve tiesse" (fråze rifondowe).
   • Ci n' est nén ene råjhon po-z escoler l' gamene — Jacques Bernkens, "Cès mohes qu’on-z-ôt zûner" (fråze rifondowe).
   • Nos nos dvans do porshure li voye si bén atakêye, tot fjhant todi pus po-z-escoler les djonnes a nosse bea teyåte walon et fé d’ nosse mî po rinde binåjhe nosse binamé public — Léon Demarche, "Li Rwèyåle Dramatique di Bår’hon a fièstî sès cint-ans", 2009 (fråze rifondowe).
   • Adon, c' est k' ça lyi schoyou d' vosse sonk, ca ci n' est pår nén k' vos l' escolexhe — Georges Simonis, "Li neûre rôbaleûse" (fråze rifondowe).
2. (viebe å prono) s' acweri des novelès kinoxhances tot studiant.
   • I s' saye portant a fé l' cujhene,
     Il a atchté des lives po s' escoler
     — Camille Gaspard (fråze rifondowe).
   • A t on djamåy rcôpé les aiyes
     A l' oujhea ki vout revoler ?
     Ni soeyoxhe don nén trop cruwels
     Å cminçant ki vout s' èscoler !
     Mi rimea n' est k' on tarlataedje,
     Mins djel tel tere do fond di m' cour
     — Martin Lejeune, 1895 (fråze rifondowe).

Parintaedje

• scolaedje, scoleu
• riscoler
• Loukîz a : « scole »

Ortografeyes

Divant 1900 :

• èskolé : E203 ^(lére)

Après 1900, foû rfondou (Feller, Feller ricandjî, nén Feller) :

• èscoler : E1, E34
• scoler : E1

E rfondou walon :

• scoler : R13

Ôtès ortografeyes (avou des sourdants nén rkinoxhous) :

• èscoler : — Martin Lejeune., — Camille Gaspard., — Guy Cabay., — Jacques Bernkens., — Léon Demarche.

Li mot n’ est nén dins : C8

Sipårdaedje do mot

w. do Levant

Ratournaedjes

aprinde des sacwès a des ôtes

• Inglès : to teach ^(en)
• Francès : enseigner ^(fr), former ^(fr), instruire ^(fr)

s' escoler

• Francès : s’instruire ^(fr), se former ^(fr)