mesbridjî
Walon (Rifondou) candjî
Etimolodjeye candjî
Do viebe « brijhî » avou forcoridjaedje jh => dj ; avou l’ betchete « mes- » des viebes (etimolodjeye nén acertinêye)
Prononçaedje candjî
- AFE :
- diferins prononçaedjes : /mɛzbʀyd͡ʒiː/ /mɛsbʀid͡ʒe/ /mɛsbʀid͡ʒiː/ /mɛzbʀid͡ʒɛ/
- prononçaedje zero-cnoxheu : /mɛzbʀid͡ʒiː/ (avou assimilaedje di lete s ⇨ z divant ene vuzlêye cossoune)
- Ricepeures : mes·bri·djî
Viebe candjî
Djin et tins | Codjowa |
---|---|
Cåzant Ind. pr. (dji, dj’) | mesbridje |
Atôtchî(s) Ind. pr. (vos, vs) | mesbridjîz |
Cåzants Ind. pr. (nos, ns) | mesbridjans |
Rwaitants Ind. pr., nam. (i/il, ele/elle) | mesbridjnut |
Cåzant Ind. fut. (dji, dj’) | mesbridjrè |
Cåzant D.I.E. (dji, dj’) | mesbridjive |
Cåzant Suddj. pr. (ki dji, dj’) | mesbridje |
pårt. erirece (dj’ a, vos av) | mesbridjî |
Ôtes codjowaedjes | come waitî |
mesbridjî (viebe å coplemint)
- coixhî (ene sakî) pol rinde sitroupyî.
- Mågré tot, dji m’ mågriyive do saveur k’ el crapule k’ a mesbridjî nosse gamén vikéve e påye. — Joseph Lahaye (fråze rifondowe).
- Come tos les djoûs (al televuzion), ci n’ esteut ki måleurs, accidints, gueres ; des djins mesbridjeyes, kihatcheyes… — Joseph Lahaye (fråze rifondowe).
- distrure (ene sacwè).
- Bouneur di rintrer al måjhon ki s’ ramasse åtoû do feu, et do cmincî les longuès shijhes sins moti, po n’ nén mesbridjî les imådjes et les sovnances k’ on tént a coviete et ki s’ rapåjhèt tot bea doûçmint. — André Henin (fråze rifondowe).
- K’ on-z espaitche do distrure les biesses et mesbridjî les campagnes ; come di djusse ! — André Henin (fråze rifondowe).
- Dj’a l’ keûr ossi deur qu’on cayau
Come li djon.ne fèye, vo-m’-là lès brès balants
Ossi mèsbrîdjîye qui mès câraus
— Émile Hesbois.
- (imådjreçmint) distrure dins si åme.
- Adon k’ elle (li Walonreye) a dné si souweur On l’ vôreut asteure mesbridjî ; On lyi vout minme prinde si oneur. — Joseph André (fråze rifondowe).
- må fé (èn ovraedje).
- må djåzer on lingaedje
- Tchance èt tot qu'on mèsbrudjèye co l'francès avou dè walon!... — Paul-Henri Thomsin.
Parintaedje candjî
Sinonimeye candjî
Ortografeyes candjî
Après 1900, foû rfondou (Feller, Feller ricandjî, nén Feller) :
E rfondou walon :
Ratournaedjes candjî
distrure ene sacwè
må djåzer on lingaedje
- Francès : bafouiller (fr), baragouiner (fr)
Pårticipe erirece candjî
mesbridjî omrin
- Pårticipe erirece omrin do viebe "mesbridjî".
Addjectif candjî
singulî | pluriyal | |
---|---|---|
omrin | mesbridjî | mesbridjîs |
femrin padrî | mesbridjeye | mesbridjeyes |
femrin padvant | mesbridjeye | mesbridjeyès |
mesbridjî omrin (come addjectif djondrece, metou padvant u padrî l’ no)
- foirt coixhî (tot cåzant d’ ene djin, ene biesse)
- On l’ a emoenné e-n ambulance, mins tot mesbridjî. — Roger Viroux (fråze rifondowe).
- Des dijhinnes di ptits coirs (d’ oujheas), des cis discwårtulés, des cis mesbridjîs ou stroupyîs, sont stramés pattavå l’ pazea, pates e l’ air, betch å lådje. — Georges Pècheur (fråze rifondowe).
- Lès-oûhês, tot foû d’ zèls, aband’nèt leû niyêye,
s’èvolèt tot pîlant, dismètant qu’eune a eune
lès ramayes s’abatèt djus dè bôr covrou d’ plåyes,
qui drèsse fîr’mint so l’ cîr si cwér tot mèsbrudjî
— Henri Simon.
- distrût (po ene sacwè)
- Wice vos av’ sitî ecroler po k’ vosse tchår soeye mesbridjî come ça, ô, vos ? — Léon Gengoux.
- Marcos, c’ est ene djin come ene ôte, ki vike å vint-ey-ininme sieke dins ene minorité mesbridjeye å bea mitan do tourmint d’ l’ Amerike Cintråle. — Yves Paquet (fråze rifondowe).
- C' e-st adon k' on veya l' adjeyant mesbridjî,
Shofler co meye blawetes et leyî cori ene låme ;
Ene låme di fier, tote rodje et glairiante come del låme,
Ki provneut del mitraye k' on lyi dnéve a magnî
— Louis Lagauche, "L' inmant", Li hôt-fornea, (1947), p. 94 (fråze rifondowe).
Ratourneures candjî
- mesbridjî dins s’ coir : clasmint d’ on disfoirci fizike.
- mesbridjî dins s’ tiesse : on pô drole, nén come èn ôte.
Sinonimeye candjî
- (po ene djin, ene biesse, dins s’ coir) : stroupyî, disfoirci, mezalé, målasné, kimesbridjî
- (po ene djin dins s’ tiesse, mots comifåt) : on pô drole, nén come èn ôte.
- (po ene sacwè) : dibrôlé, distrût, kimesbridjî
Ortografeyes candjî
- mesbrugî, mesbrugèie : E203 (lére)
Après 1900, foû rfondou (Feller, Feller ricandjî, nén Feller) :
E rfondou walon :
- mesbridjî, mesbridjeye : R10 (lére)
- mesbridjî : R13
Ratournaedjes candjî
(po ene djin, ene biesse)