Sujet sur Uzeu copene:Lucyin

Bondjoû Lucyin & @Srtxg,

I m' shonne ki l' rifondaedje di gådieus a stî fwait sorlon ene fåsse etimolodjeye.

A m' shonnance, i vént purade come gawder vént d' on spotchî aplacaedje inte li bodje gåde et l' mot gawe.

Po çoula dj' a deus bons astocas:

1°) Po cmincî, li sins di "djoye" et gaw'der (E1,E203: dismoker) ni sont nén les minmes.

Les motîs Haust et Forir dinèt po gawder pår li sins "dimoker".

Po "gawdieus", li E203 dene seulmint li sins finåd, toursiveus.

2°) On n' pout nén espliker li ridaedje di voyale å/aw. Ca li betchfessî latén "au" esteut dedja prononcî "o" dispoy li fén di l' antiquité (aurum/ôr, paucum/pô). Dedja di tins d' Ciceron, "Claudius" si fjheut spoter "Clodius" po-z adawyî les ptitès djins.

Nouk di ses ôtes mots aparintés n' a di -aw-

gåde [S117]; gaude [S117] gådrêye [S117]; gaudrée [S117] guèd'ler [O0]

Vost avuzion ?

+ response po l' dierinne copene "mots d' tindeu ås moxhons"

Amiståvmint

David

Mande escuze d' awè tant tårdjî a responde. C' est k' dji so sol fén di m' condjî, avou 36000 sacwès a fé.

Po les etimolodjeyes , avou vosse bagaedje di latinisse, vos estoz pus sûti k' nozôtes. N' åyoz nole sogne d' elzès rcandjî, dolmint ki vos metoz ene hårdêye dins l' hagnon "Sourdant" eviè ene pådje di dvizaedje (cial u so les Berdelaedjes), po n' les nén riforbate paraprès.